Lugar na Tagos sa Puso

SAGADA

Batad

Anawangin

Nagsasa

Capones

SAGADA 

Mt Pulag

Oslob

Boljoon
SAGADA

Tabuelan

Apas

Colon

Uptown

SAGADA

.
.
.

I-ilan lamang sa mga lugar

na 

naging tahanan ng mga alaala mo.

--------------------------------------------------------------------------------------------------------------

ANG MGA LUGAR AY PAWANG MGA LUGAR LAMANG

Juan Miguel Severo

Ang mga parke ay pasyalan.

Ang mga kalsada ay para sa mga sasakyan.

Ang mga puno, para sa lilim.

Sabihin mo sa sarili mo;

Ang mga lugar ay pawang mga lugar lamang.

Huwag kang magkakakmaling hanapin
maski anino niya sa tabi mo o 

ang mga hakbang ng mga paa niyang dati'y sumasabay sa'yo.

Walang kinalaman ang paglubog ng araw
sa init ng kanyang kamay o
ang simoy ng hangin
sa ginhawa ng kanyang akbay,
ang huni ng mga ibon
sa iyong tawa.

Wala na siya.

Ito ang napatunayan ko:
Kaya mong makabisa ang bawat liko ng isang siyudad
nang hindi ito tinuturing na tahanan.

Ang mga lugar ay pawang mga lugar lamang

hanggang mag kasama niyong namasdan ang mga ito.

Ang sementong sahig ay mananatiling tahimik
kung hindi niyo sinulat dito ang inyong kwento
ang inyong kwento,
mga pangako,
mga problemang binuo
paulit-ulit,
paulit-ulit

ipapaalala ko sa sarili ko

ang bawat kanto na pinalampas,
bawat sulok na wala mo pang bakas,

ang iyong mukha,
ang iyong ulo sa aking dibdib.

Maglalaboy ako hanggang maligaw ako
sa siyudad nitong nakasanayan kong Pag-ibig.

Maglalaboy ako hanggang matanggap ko

Itong lugar na pawang mga lugar lamang at
hindi tahanan ng mga alaala mo.

--------------------------------------------------------------------------------------------------------------

Pinariringgan mo ba ako, JMS? :D

Juan Miguel Severo, ikaw ay isang alagad ng sining.
Salamat!